Италиядағы әйгілі Романелли үңгірінен тас дәуіріндегі өнер туындылары табылған, деп хабарлайды Хабар 24 Daily Mail-ге сілтеме жасап.
Зерттеушілер бұл өнер туындыларының шамамен 14-11 мың жыл бұрын пайда болғанын анықтады.
Айта кетейік, ғалымдар алғаш рет 1905 жылы үңгірден жартасқа қашап салынған суреттерді тапқан. Алайда Романелли үңірі туралы егжей-тегжейлі зерттеу 2016 жылы басталып, оның барысында археологтар бұрын-соңды байқалмаған бірнеше суретті құжаттар қатарына қосқан. Соңғы табылған туындылар ішінде үстіңгі жағында геометриялық өрнектері бар жұмсақ, ақ материалдар, сондай-ақ құстың суреті де бар. Зерттеушілердің айтуынша, бұл туындылар Италия, Франция, Испания және Әзербайжандағы тасқа қашалған суреттерге өте ұқсас екен.