АҚШ президенті Джо Байденнің әкімшілігі жоғарғы соттан түсік жасауға шектеу қоятын Техас заңына тыйым салуды сұрады.
Бұл туралы Рейтер агенттігі хабарлады.
Естеріңізде болса, 3 қазан күні мыңдаған тұрғын осы заңға қарсылық танытып, көшеге шыққан еді. Наразы қыз-келіншектердің айтуынша, бұл заң тым қатаң әрі әйелдерді конституциялық құқығынан айыратын көрінеді.
Айта кетейік, қыркүйектің бірінде Техаста жүктіліктің шамамен алтыншы аптасынан кейін түсік жасауға тыйым салатын жаңа заң күшіне енді.