424,92 504.32 5.86
+7 (7172) 757 485 24kz@khabar.kz

Таразда 90 отбасы баспаналы болды

  • 328
  • UPD: 09:08, 21.03.2021
Таразда 90 отбасы баспаналы болды

Таразда Наурыз мейрамы қарсаңында әрқайсысы 45 пәтерлі екі үй пайдалануға берілді, деп хабарлайды «Хабар 24».

Яғни, 90 отбасы баспаналы болды. Олардың 18-і ата-анасының қамқорлығынсыз қалған жандар болса, 44-і әлеуметтік жағынан әлжуаз топтағы отбасылар, 28-і мемлекеттік және бюджеттік қызметкерлер. Ал баспаналар 15-шағын ауданнан бой көтерген. «Жұмыспен қамтудың жол картасы» мемлекеттік бағдарламасы аясында салынған үйлердің құрылысына бас-аяғы 700 млн теңгеден астам қаражат жұмсалыпты. Ал олардың сапасына мердігер 5 жыл бойы жауапты болады. Айта кетейік, жалпы Тараз қаласында қазір 19 мыңнан астам адам пәтер кезегінде тұр.

Жанар Жанбаева, қала тұрғыны:

– Біз бұл пәтерді күткенімізге 12 жыл болды. Аллаға шүкір, Наурыз қарсаңында үлкен қуанышқа бөленіп отырмыз. Кең, зәулім пәтерге ие болып отырмыз. Әрбір отбасына осындай пәтерлер тілейміз. Баспаналы болыңыздар.

Хабар 24 телеарнасы