Осы демалыс күндері Батыс Қазақстан мен Атырау облыстары жәрмеңке өткізеді, деп хабарлайды «Хабар 24».
Қос өңірден 130 тонна ет және, балық әкелінген. Қыстың қамын жасауға кірісіп кеткен астаналықтар 50-ге жуық тауар түрін арзан бағада ала алады. Халыққа сүт өнімдері мен жеміс-жидек, көкөніс те ұсынылған. Ауыл дәмін сағынған елордалықтар келесі сенбіде Шығыс Қазақстан мен Абай облыстарының жәрмеңкесіне қатысады.
Бағдат Рүстемов, Атырау облысы Ауыл шаруашылығы басқармасы басшысының орынбасары:
- Жәрмеңкеге келген халықтың көңілін көтеру үшін біз концерттік бағдарлама ұйымдастырып отырмыз Атырау облысының атынан. Еттің де көлемін былтырғыдан көбірек әкелдік. Сондай-ақ бұл жерге Астана қаласының тұрғындары нарықтық бағадан 20 пайызға дейінгі төмен бағада сатып алуларына болады өнімдерді.