423,42 511.30 5.58
+7 (7172) 757 485 24kz@khabar.kz
ҚАЗ

Елорда полицейлері көлік тонағандарды қолға түсірді

  • 213
  • UPD: 12:33, 07.01.2021
Елорда полицейлері көлік тонағандарды қолға түсірді фото: inform.kz

5 қаңтарда түнгі уақытта полицияға Кравцов көшесіндегі үйдің тұрғыны хабарласып, аулада мас ер адамның тұрған көліктерді тінтіп жүргенін айтқан.

Күдіктілер ашық қалдырған көліктен екі рет ұрлық жасаған. Сөйтіп, көлік ұрысы электрсорғышты, үш ұялы телефонды және автомагнитолоның колонкасын ұрлаған. Бейнебақылау камерасы арқылы полицейлер ер адамның белгілерін және беталысын анықтаған.

Жедел-іздестіру шараларын жүргізу барысында Патрульдік полиция қызметкерлері 1 сағат ішінде күдіктіні ұстады. Ұрланған заттар күдікті жасырып қойған жылу трассасы құбырының астынан табылды.

Осы факті бойынша ҚР ҚК 188-бабымен сотқа дейінгі тергеп-тексеру жүргізілуде.

Бұрын елорда аумағында жасалған қылмыстарға қатыстылығы анықталуда.

Нұр-Сұлтан қаласының Полиция департаменті құнды заттарды қараусыз қалдырмауды, сақ болуды, автокөліктердің терезесін үнемі жауып жүруді ескертеді.

Хабар 24 телеарнасы