loader


Қостанай облысында асхана қызметкерлерінен қауіпті инфекция анықталды

Рудныйдағы колледж асханасының үш қызметкерінен патогенді стафилококк анықталды, деп хабарлайды «Хабар 24».

Таяуда Рудный тау-кен-технологиялық колледжінің студенттері тамақтан жаппай уланған еді. Сәуірдің 20-21 аралығында Жұқпалы аурулар бөліміне 14 адам түскен. Студенттер тамақтанған колледж асханасына жоспардан тыс тексеру жүргізіліп, нәтижесінде оның 3 қызметкері қауіпті инфекцияның тасымалдаушысы екені анықталды. Сондай-ақ тексеру барысында санитарлық ережелерді бұзу фактілері анықталды. Оның ішінде тамақ өнімдерінің сапасы мен қауіпсіздігін растайтын құжаттар болмаған. Сақтау шарттары мен пісіру технологиясы сақталмаған. Қазір студенттердің жағдайы жақсы, алайда дәрігерлер бақылауында.

Сондай-ақ...