Келер жылы республикалық бюджет түсімдері 17,8 трлн теңге болады деп болжанып отыр.
Ал шығыстар 21 трлн теңгеге жетеді. Басым бағыты әлеуметтік салаға жұмсалады. Парламент Сенатында «2023-2025 жылдарға арналған республикалық бюджет туралы» заң жобасы бойынша баяндама жасаған Премьер-Министрдің орынбасары - Қаржы министрі Ерұлан Жамаубаев осылай деді. Ол халықтың әл-ауқатын арттыру басты басымдықтың бірі екенін айтып, осы бағытқа алдағы үш жылда 36,2 трлн теңге бөлінетінін жеткізді.