Грек-рим күресінен Токио Олимпиадасына қатысатын спортшылар тізімі белгілі болды, деп хабарлады Olympic.kz.
Токиодағы жазғы Олимпиада ойындарында грек-рим күресі бойынша Қазақстан ұлттық құрама командасынан үш балуан қатысады.
Токио боз кілемінде белдесетін балуандар:
60 келі: Мирамбек Айнағұлов
77 келі: Демеу Жадыраев
87 келі: Нұрсұлтан Тұрсынов
Айта кетерлігі, грек-рим күресінен жолдама спортшыға емес, командаға беріледі. Қазақстандық грек-рим күресінің шеберлері лицензиялық жарыстардан үш салмақ бойынша жолдама жеңіп алған болатын.
Токио Олимпиадасына ұлттық құраманы грек-рим күресінен бас бапкер Бақтияр Байсейітов бастап барады.