420,66 511.30 5.69
+7 (7172) 757 485 24kz@khabar.kz
ҚАЗ

Елімізде 1 ақпаннан бастап кинотеатрлар жабылуы мүмкін

  • 297
  • UPD: 23:48, 08.01.2021
Елімізде 1 ақпаннан бастап кинотеатрлар жабылуы мүмкін

1 ақпаннан бастап еліміздегі кинотетарлар бірнеше айға жабылуы мүмкін, деп хабарлайды «Хабар 24».

Оның басты себебі – фильмдердің прокатта болмауы. Қазақстан кинотеатрлар иелері қауымдастығы президентінің айтуынша, Голливудтың негізгі студиялары көктемгі премьераларды күзге ауыстыру туралы шешім қабылдады. Ал отандық киноөндірушілердің картиналары ақпаннан кейін жарыққа шығады.

Мунира Ягудина, Қазақстан кинотеатрлары иелері қауымдастығының президенті:

- Қазір прокатта 16 картина бар. Осы туындылардың арқасында кинотеатр жұмыс істей алар еді. Енді отандық киноөндірушілер оларды күзге қалдыруды жөн көрді. Ал ол кезде кинотетарлар жұмыс істей ала ма, ол да белгісіз. Продюсерлер өз ойларынан қайтып, бізді қолдап, туындыларды ертерек шығарса дейміз.

Хабар 24 телеарнасы