423,91 504.32 5.82
+7 (7172) 757 485 24kz@khabar.kz

Ауғанстанда үкімет құру туралы келіссөздер аяқталды

  • 154
  • UPD: 20:17, 31.08.2021
Ауғанстанда үкімет құру туралы келіссөздер аяқталды

Тәліптер Ауғанстанда үкімет құру туралы келіссөздерді аяқтады. Көп ұзамай қорытындысы белгілі болады. Бірер күн бұрын «Талибан» қозғалысының ресми өкілі инклюзивті үкімет құру процесі алдағы 2 апта ішінде аяқталатынын хабарлаған. Соңғы мәлімет бойынша тәліптер барлық 34 провинцияда полиция басшыларын тағайындап қойған. Сондай-ақ біраз өңірдің губернаторы мен бірқатар қала басшысы да тағайындалған. Енді қозғалыс өкілдері дипломатиялық миссияларын жапқан елдерді оларды қайта ашуға шақырып отыр.

Забиулла Муджахид, «Талибан» қозғалысының ресми өкілі:

- Біздің алдағы уақытта құрылатын инклюзивті үкіметімізді халықаралық қауымдастық мойындайды деген үміттеміз. Өзге мелмекеттермен жақсы қарым-қатынас орнатқымыз келеді. Біз бұған дейін амнистия жарияладық. Билікке «Талибан» қозғалысының өкілдері келгелі қауіпсіздік күштерінен бір де бір азамат түрмеге отырған жоқ.

* Еске сала кетсек, Талибан ұйымына Қазақстандағы Жоғарғы Соттың 2005 жылғы 15 наурыздағы шешімімен тыйым салынған.

Хабар 24 телеарнасы