415,12 450,91 7,40
+7 (7172) 757 485 24kz@khabar.kz

Австралияда ақыр заманның «қара жәшігі» орнатылмақ

  • 146
  • UPD: 10:54, 08.12.2021
Австралияда ақыр заманның «қара жәшігі» орнатылмақ

Тасмания аралына ақырзаман туса да бұзылмайтын қара жәшік орнатылады, деп хабарлайды Хабар 24.

Ғалымдар жаман айтпай жақсы жоқ дейді. Алда жалда ғаламшарға қауіп төнсе, ондағы ақырғы сәттер таспаға жазылып қалады. Күн қуатымен жұмыс істейтін құрылғыға ауа-райының өзгеруіне қатысты ақпарат жүктеліп тұрады. Сөйтіп апат болған жағдайда қара жәшік Жердің болашақ тұрғындарына адамзаттың жойылып кету сырын ашып беруге тиіс. Оның құрылысы 2022 жылдың соңында басталуға тиіс. Бірақ мәлімет қазірдің өзінде жазылып жатыр.

Джим Кертис, Clemenger Bbdo атқарушы директоры:

– Біз экологиялық апат алдында тұрмыз. Мұның алдын алу үшін тырыспадық та. Сондықтан қара жәшікті бірнеше мақсатпен жасадық. Біріншіден, оған қолға алынған және алынбаған шаралар тіркеледі. Болашақ буын біздің қателерімізге қарап үйренсін. Екіншіден, әлем елдері көшбасшыларынан бекітлген міндеттемелер бойынша есеп сұрай аламыз. Бұдан бөлек, жәшіктегі ақпаратты мектептер мен жоғары оқу орындарында пайдалануға болады.

Хабар 24 телеарнасы