426,32 496.50 6.01
+7 (7172) 757 485 24kz@khabar.kz

ҚР Сыртқы істер министрі: Қазақстан Ауғанстанға көмек беруге әзір

  • 107
  • UPD: 10:13, 28.09.2021
ҚР Сыртқы істер министрі: Қазақстан Ауғанстанға көмек беруге әзір Sputnik Казахстан

Қазақстан Ауғанстанға көмек көрсетеді. Ол үшін түркі елдерімен ынтымақтастыққа дайын. ҚР премьер-министрдің орынбасары – сыртқы істер министрі Ыстамбұлда өткен Түркі кеңесінің Ауғанстандағы ахуал жөнінде кезектен тыс отырысында осылай деді.

Премьер-министрдің орынбасары – сыртқы істер министрі Мұхтар Тілеубердінің айтуынша, Қазақстан Ауғанстандағы жағдайды тұрақтандыруға, гуманитарлық салада және БҰҰ-ның орталық үйлестіру бағытында өз үлесін қоса бермек.

Айта кеткен жөн, Түркі кеңесінің кезектен тыс отырысына мүше мемлекеттердің сыртқы істер министрлері қатысып, қауіпсіздік және ауғанстанға қатысты іс-қимылдарды үйлестіру мәселелері бойынша пікір алмасты. Тараптар терроризм, қару-жарақ пен есірткі айналымы, заңсыз көші-қонға қатысты мониторинг жүргізу қажеттігін атап өтті. Жиын соңында бірлескен мәлімдеме қабылданды.

Хабар 24 телеарнасы