«Атамекен» билік органдарын бизнесті тәртіпсіздіктен қорғауға шақырады

Жаппай тәртіпсіздік салдарынан бизнесі зардап шеккен кәсіпкерлер Ұлттық кәсіпкерлер палатасына жүгініп жатыр. Ұлттық палата қазірдің өзінде зиян келтірген жағдайларды тіркеді. Банктерге, мейрамханаларға, дүкендерге шабуыл жасау фактілері бар.

Бірқатар өңірде енгізілген төтенше жағдай шеңберінде «Атамекен» жергілікті билік пен құқық қорғау органдарын кәсіпкерлердің мүлкін тонау мен тәртіпсіздіктерден қорғауға шақырады.

Сонымен қатар, ҰКП зардап шеккен кәсіпкерлерден палатаға жүгініп, келтірілген зиянның көлемін фото және видеоға түсіруді сұрайды.

Палатада жедел желі жұмыс істейді.

Байланыс: 1432 (тегін желі) 8 8000808010, Whatsаpp: 8 778 870 1432

Алматы: 8 7273 310 133

Алматы облысы: 8 7282 401999

Маңғыстау облысы: 8 7292 304040

Ұлттық палата Төтенше жағдай кезінде кәсіпкерлік субъектілерінің жұмыс режимі бойынша Алматы қаласы, Алматы және Маңғыстау облыстарының комендатураларынан ресми ақпарат күтеді.

Президент елдегі жағдайға байланысты бірқатар тапсырма берді.

Бұған дейін үкімет отставкаға кеткен болатын. Премьер-министрдің қызметін уақытша Әлихан Смайылов атқарады. Ерлан Қарин Мемлекеттік хатшы болып тағайындалды. Ал Алматы мен Маңғыстау облысында төтенше жағдай режимі енгізілді. Жалпы бұған дейін Қазақстанда төтенше жағдай неше рет жарияланды. Төтенше жағдай кезінде нені білу керек.

Бұған дейін айтылғандай, газ бағасын арнайы комиссия реттейді. Ал Сенат төрағасы наразылық шарасы диалог негізінде шешілу керектігін айтқан. Сондай-ақ газ бағасының көтерілуіне қатысты тергеу жүріп жатыр. 

Осы тақырып бойынша өзге тақырыптар:

Ел неге толқыды

Маңғыстау облысында газ бағасы 50 теңге болды

Ақтөбеде газ бағасы 50 теңгеге түсті

Тоқаев елдегі жағдайға байланысты мәлімдеме жасады

Маңғыстау облысының әкімі наразылық білдірген жаңаөзендіктермен кездесті