Алматыда қоғамдық көлік кезең-кезеңімен жұмысқа кіріседі

Қалаішілік қоғамдық көлік жұмысы ішінара іске қосылады, деп хабарлайды Хабар 24.

Ертеңнен бастап қала бойынша 11 бағытта автобус қатынайды. Атап айтқанда, 34,118, 38, 205, 206, 16, 11, 128, 141, 65 автобустар 20 минут интервалмен жүреді. Қала сыртына қатынайтын автобустардың кестесі 11 және 12 қаңтар күні қосымша хабарланады. Ал метро-политен төтенше жағдай режимі аяқталғанша, жұмыс істемейді.

Сымбат Мырзағұлов, Мобильділік басқармасы басшысының орынбасары:

– Ертеңнен бастап 11 маршрут жүреді. Автобус саны – 130. Олар тек қана қаланың магистральдік көшесімен жүреді. Жұмыс уақыты таңғы сағат 7.45-тен кешкі 20.00-ге дейін.

Президент елдегі жағдайға байланысты бірқатар тапсырма берді.

Бұған дейін үкімет отставкаға кеткен болатын. Премьер-министрдің қызметін уақытша Әлихан Смайылов атқарады. Ерлан Қарин Мемлекеттік хатшы болып тағайындалды. Ал Алматы мен Маңғыстау облысында төтенше жағдай режимі енгізілді. Жалпы бұған дейін Қазақстанда төтенше жағдай неше рет жарияланды. Төтенше жағдай кезінде нені білу керек.

Бұған дейін айтылғандай, газ бағасын арнайы комиссия реттейді. Ал Сенат төрағасы наразылық шарасы диалог негізінде шешілу керектігін айтқан. Сондай-ақ газ бағасының көтерілуіне қатысты тергеу жүріп жатыр.

Осы тақырып бойынша өзге тақырыптар:

Ел неге толқыды

Маңғыстау облысында газ бағасы 50 теңге болды

Ақтөбеде газ бағасы 50 теңгеге түсті

Тоқаев елдегі жағдайға байланысты мәлімдеме жасады

Маңғыстау облысының әкімі наразылық білдірген жаңаөзендіктермен кездесті

10 қаңтар Жалпыұлттық аза тұту күні деп жарияланды