476,27 474,60 7,83
+7 (7172) 757 485 24kz@khabar.kz

Каспийдің конституциясы іспетті болған Конвенцияны тезірек күшіне енгізу керек

  • 178
  • UPD: 20:22, 29.06.2022

Алтыншы Каспий саммиті аяқталды.

Қазақ, Ресей, Әзербайжан, Иран мен Түрікменстан басшылары қатысқан жиында көк айдынның көліктік дәліз әлеуетін арттыру, экологиясын қорғау жайы сөз болды. Қасым-Жомарт Тоқаев әріптестерін азайып бара жатқан итбалыққа араша түсуге шақырды.

«Теңіздің солтүстік бөлігіндегі қорықты ерекше қорғалатын табиғи аумақ ретінде қайта құру мәселесін қарастырып жатырмыз», - деді. Каспийді қорғау үшін әуелі бестікке ортақ хатшылық керек екенін қаперге салды. Бұл мәселе бұрыннан айтылып келеді. Бірақ әлі жүзеге аспады. Мемлекет басшысы теңіз арқылы тек металл, химиялық өнімдер емес, азық-түлік тасымалын да ұлғайту керек екенін атап өтті. Ақтауда қабылданған конвенцияның тезірек күшіне енуі үшін тиісті жұмыстарды қолға алу керек деді.

Қасым-Жомарт Тоқаев, Қазақстан Республикасының Президенті:

- Бүгінде біздің басты міндетімізКонвенцияның тезірек күшіне енуіне жағдай жасау. Елдерімізге өзара тиімді болатын шешім қабылдау үшін 4 жылдан бері көп жұмыс істеліп жатыр. Теңіздегі кейбір мәселе мемлекеттердің ұлттық мүддесіне қатысты болған соң біз тараптардың ұстанымына түсіністікпен қараймыз.

Хабар 24 телеарнасы