Үндістанда бір айға жетпейтін мерзімде коронавирустан 116 дәрігер қайтыс болды.
Бұл туралы Рейтер агенттігі хабарлады.
Ал індет басталғалы көз жұмған ақ халатты жандардың қатары 900-ге жуықтады. Ковид-19-дың екінші толқыны елдегі медициналық жүйені тұралатып тастады. Ауруханалар науқастар нөпіріне төтеп бере алмай қалды. Әлі күнге дейін төсек, дәрі-дәрмек пен оттегі жетіспейді.
Соңғы дерек бойынша індеттен 4 мыңнан астам адам ажал құшқан.
Сарапшылар «эпидахуалдың ушығуына үкімет кінәлі» дейді. Билік діни мейрамдар өткізу мен көп адамның жиналуына тосқауыл қоя алмаған.