Атақты актер абайсызда операторды өлтіріп алды

Актер Алек Болдуин фильм түсіріп жатқанда кинооператорды атып тастады, деп хабарлайды «Хабар 24».

Қайғылы оқиға актерлер мылтықтан оқ ататын эпизод кезінде болған. Оператор әйел адам екен. Ал мылтық кәдімгі оқпен оқталған болып шықты.

Ауыр жарақат алған 42 жастағы әйел-оператор ауруханаға бірден тікұшақпен жеткізілген, бірақ дәрігерлер аман алып қала алмады. Фильм режиссерінің де бұғанасына оқ тиген.

Полицияның мәлімдеуінше, актер Болдуинге әзірге ешқандай айып тағылмаған.