419,41 505.95 5.69
+7 (7172) 757 485 24kz@khabar.kz
ҚАЗ

Сенаторлар Каспий теңізіндегі заңсыз балық аулауға қарсы күрес шараларын талқылады

  • 100
  • UPD: 15:17, 02.02.2021
Сенаторлар Каспий теңізіндегі заңсыз балық аулауға қарсы күрес шараларын талқылады kt.kz

Сенат депутаттары Каспий теңізіндегі қызметті реттеуге қатысты заң жобасына түзетулер енгізу мәселесін талқылады.

Негізгі өзгерістердің бірі аумақтағы судың көрсеткіштерін қайта қарау болып отыр. Қазақстан Республикасының құзырына қарайтын теңіз белдеуінің ені, оның түбі, жер қойнауы және әуе кеңістігі 12 теңіз милінен 15 теңіз миліне дейін кеңейеді, деп хабарлайды ҚР Парламенті Сенатының баспасөз қызметі.

«Заң жобасын қабылдау мемлекеттік шекараны қорғау саласындағы қоғамдық қатынастарды құқықтық реттеудегі олқылықтарды жоюға, сондай-ақ, шекара аймағында белгіленген тәртіптің тиімділігін қамтамасыз етуге мүмкіндік береді», – деді комитет төрағасы Мұхтар Құл-Мұхаммед.

Балық шаруашылығы да назардан тыс қалмайды. Заңда жануарлар әлемін қорғауды қамтамасыз ету үшін Каспий теңізінің құқықтық мәртебесі туралы конвенцияда көрсетілген заңсыз балық аулауға қарсы күрес ережелері де белгіленген.

Сенаттың Халықаралық қатынастар, қорғаныс және қауіпсіздік комитеті заң жобасын палатаға ұсынды.

Хабар 24 телеарнасы