Алматы тауларында альпинистің көзінің қасаң қабығы үсіп кетті.
Қазіргі уақытта жәбірленушінің көру қабілеті жартылай қалпына келтірілді, деп хабарлады inAlmaty.kz сайты «109» құтқару қызметіне сілтеме жасап.
Оқиға 3 қаңтарда Солтүстік жотаның бойындағы Мәншүк Мәметова шыңын бағындыру бойынша оқу-жаттығуы кезінде болған. Альпинистердің бірінің көзінің қасаң қабығын үсік шалып, ол көру қабілетінен айырылған.
«Топты бақылау радиобайланыс арқылы жүзеге асырылды, сондықтан «құтқару қызметі – 109» жедел-құтқару жасағы бастығының орынбасары Дамир Молгачев команданы таудан тез түсіру туралы шешім қабылдады», - дейді құтқарушылар.
Қазіргі уақытта жәбірленушінің көру қабілеті жартылай қалпына келтірілді. Альпинистің денсаулығын дәрігерлер бақылайтын болады.