426,04 518.00 5.83
+7 (7172) 757 485 24kz@khabar.kz
ҚАЗ

Өскеменнен Зайсанға ұшып шыққан АН-2 ұшағы қонуға мәжбүр болды

  • 325
  • UPD: 18:39, 08.02.2021

Бүгін, 8 ақпанда, Өскемен-Зайсан бағытында АКЗ1222 санитарлық рейсімен ұшып шыққан Ан-2 ұшағы қайта қонуға мәжбүр болды.

Өйткені ұшқыш әуе кемесінің қозғалтқышының істен шыққанын хабарлаған.

– Ұшақ Өскемен қаласынан оңтүстікке қарай 23 шақырым жердегі автомобиль жолына мәжбүрлі түрде қонды. Зардап шеккендер жоқ. Ұшақ та зақымданбаған. Бортта экипаждың 3 адамы және 2 медицина қызметкері болды. ҚР Индустрия және инфрақұрылымдық даму министрлігінің Әуедегі оқиғаларды тексеру басқармасының өкілдері оқиға болған жерге аттанды, – делінген ҚР ИИДМ баспасөз қызметі таратқан мәліметте.

Хабар 24 телеарнасы