Дубайға ұшатын әуе рейстері наурыз айының соңына дейін тоқтады. Air Astana әуе компаниясы Таяу Шығыстағы шиеленіске байланысты осындай шешім қабылдады.
Еуропада табиғи газ бағасы 90 пайызға дейін өсті. Еурокомиссия өкілінің мәліметінше, Таяу Шығыстағы қақтығыстар басталғалы мұнай бағасы да шамамен 40 пайызға қымбаттаған.
Әзербайжан Иранға гуманитарлық көмек жіберді. Бұл шешім екі елдің президенттері Ильхам Әлиев пен Масуд Пезешкиан телефон арқылы сөйлескеннен кейін қабылданған.
Қытай адам тәрізді робот өндірісі бойынша жаһандық нарықтың 80%-ын еңсерді. Жалпы Counterpoint Research дерегі бойынша, былтыр әлемде осындай 16 мың құлтемір сатылған.
