Елордада Ashyq жобасы 39 кәсіпкерлік нысанында іске қосылды.
Олар негізінен халық жиі бас сұғатын фитнес орталықтар, компьютерлік клубтар, моншалар мен өзге де ойын-сауық кешендері. Азаматтар қауіпті кеселге шалдыққанына қарамастан қоғамдық орындарға жиі барады. Осылайша өзгенің өміріне қауіп төндіреді.
«Ashyq жобасының басты мақсаты – аталған жайтты болдырмау», – дейді қаланың бас санитар дәрігері Сархат Бейсенова. Мобильді қосымша телефон арқылы жұмыс істейді. Алдымен QR-кодты сканерлеп, жеке сәйкестендіру нөмірін енгізесіз. Сол кезде сізге 4 түстің біреуін көрсетеді. Көк – жақын арада ПТР-тестіден өтпегеніңізді білдіреді. Жасыл түс – тестіден өткен, бірақ деніңіз сау екенін растайды. Сары – науқастармен байланыста болғандарға беріледі. Ал қызыл түс коронавирус жұқтырғандарға ғана шығады. Сары және қызыл түс көрсетсе, қоғамдық орындарға кіре алмайсыз.