384,59 430.70 6.11
+7 (7172) 757 485 24kz@khabar.kz
ҚАЗ

Елордада «Автобус» жедел алдын алу шарасы қорытындыланды

  • 615
Елордада «Автобус» жедел алдын алу шарасы қорытындыланды Фото: astana.gov.kz

13-15 қазан аралығында елордада «Автобус» жедел алдын алу шарасы өткізілді.

Бұл туралы Астана әкімдігінің сайты хабарлайды.

Шараның мақсаты елорда автожолдарындағы апаттылық деңгейін төмендету, жолаушылар және жүк тасымалын жүзеге асыратын жүргізушілер арасында көлік жүргізу тәртібін жақсарту, жол қозғалысына қадағалау мен бақылауды күшейту.

«Автобус» жедел алдын алу шарасы барысында полиция қызметкерлері мерзімді жолаушы тасымалын іске асыратын, рейс алдындағы техникалық бақылаудан өткен жүргізушілердің Жол жүру ережелерін бұзуының және рейс алдындағы медициналық тексеруден өтпей қалған жүргізушіні рейске жіберудің 720-ға жуық дерегін тіркеген.

Атап өтерлігі, қалада автобус парктерінің 8 лауазымды тұлғасы жауапқа тартылып, 10 автобусты пайдалануға тыйым салынды. 134 жүргізушіге ұялы телефонмен әңгімелескені үшін айыппұл салынса, 87 жүргізуші маневрлеу ережелерін бұзған және жаяу жүргіншілерге жол бермеудің 13 дерегі тіркелген. Бұған қоса, жедел алдын алу шарасын өткізу кезінде тексерістен өтпеген автобустарды пайдалануға берудің 23 фактісі анықталған.

Елорда аумағында қоғамдық көлікпен жолаушылар тасымалы саласында 9 кәсіпорын жұмыс істейді, олардың күнделікті қолданысында 750-ден аса қалалық автобус бар.

Хабар 24 телеарнасы