Қызылорда облысында 24 миллиард теңге тиімсіз жұмсалған. Мемлекеттік мекемелер нақты жоспарсыз бюджеттік өтінім жолдаған. Бөлінген ақшаның мақсатсыз жұмсалуына жол берген 753 лауазымды тұлға тәртіптік жазаға тартылды. Одан бөлек есеп-қисапты дұрыс жүргізбеген 300-ден астам маманға айыппұл салынды. Бақылау органдарының араласуымен 137 миллион теңге мемлекетке қайтарылды. Өңірдегі 150-ден астам нысанға аудит жүргізген тексеру комиссиясының өкілдері заңбұзушылықтар көбінесе ауыл шаруашылығы, білім, спорт, денсаулық саласында тіркелгенін айтады. Мұса Қалдарбеков, облыс бойынша тексеру комиссиясының төрағасы: - Жалпы аудит обьектілерін тексеру нәтижесімен 1114 әкімшілік құқықбұзушылық анықталды. Ол уәкілетті органдарға берілді. 90-дай нұсқама шығардық. 204 тапсырма берілді. Ол тапсырманың бәрі бақылауда. 2024 жылы тексеру комиссиясы 24 шара қарастырып отырмыз. 150 млрд тг қаржысын қамтитын боламыз.