414,13 452,15 5.80
+7 (7172) 757 485 24kz@khabar.kz
ҚАЗ


Алматыда қала сыртында тұратын дәрігерлер жатақханаға орналастырылды

  • 176
Алматыда қала сыртында тұратын дәрігерлер жатақханаға орналастырылды

Алматыда қала шетінде тұратын дәрігерлер Қазақ ұлттық медицина университетінің жатақханасына орналастырылуда, деп хабарлайды «Хабар 24».

Бұл біріншіден, жұқпалы дерттің таралуының алдын алу, екіншіден, медицина қызметкерлерінің алаңсыз жұмыс істеуіне мүмкіндік береді. 756 адамға арналған жатақханада қазір университеттің магистранттары мен шетелдік студенттер тұрып жатыр. 12-қалалық аурухана мен перинаталдық орталықтың 98 қызметкері осында орналастырылған. Жатақхана меңгерушісінің айтуынша, тағы 50-ден аса орын бос. Тұрамын деген аурухана қызметкерлеріне есігіміз ашық дейді олар. Жатақханада барлық жағдай жасалған. Тазалық жұмыстары жиі жүргізіледі.

Марияш Жұбаева, 12 қалалық аурухана қызметкері:

– Инфекцияны жұқтырамыз ба деп қорқамыз. Сол үшін бізді осы жатақханаға жатқызды. Жағдайы жақсы. Асханасы бар, тамақ дайындап, істеуге болады.

Марал Әубакірова, жатақхана меңгерушісі:

– Бүкіл жауапкершілікті түсінеміз. Қазір біздің дәрігерлер бірінші шепте тұрғандықтан, әрине, оларға көмек көрсетуіміз керек. Ол өте дұрыс жағдай деп ойлаймын.

Хабар 24 телеарнасы