389,65 428,03 6.01
+7 (7172) 757 485 24kz@khabar.kz
ҚАЗ


Қазақстанда өндірілген экологиялық таза тағамдар Ресейде ұсынылды

  • 292
  • UPD: 10:21, 14.06.2019
Қазақстанда өндірілген экологиялық таза тағамдар Ресейде ұсынылды

Бүкілресейлік көрме орталығының қонақтары бауырсақпен шай ішіп, Қазақстанда өндірілген экологиялық таза тағамдардан дәм татты.

Көрме аумағында өтіп жатқан «Самоварфест» фестивалі аясында Қазақстанға арналған арнайы шатыр орнатылды. Шарапаты мол шара бірнеше жыл қатарынан өтіп келеді. Бірақ тек биыл ғана мұнда ТМД елдерінің аллеясы ұсынылды. Сәйкесінше Қазақстанның елшілігі мен Ресейдегі сауда өкілдігіміз өз алаңында концерт бағдарламасы мен шеберлік сыныптарын паш етті. Сондай-ақ қазақ қолөнершілері авторлық туындыларының көрмесі ұйымдастырылды.

Айгүл Жансерікова, «Qazaq-Oner» орталығының жетекшісі:

– Осы фестивальге Алматыдан арнайы «Qazaq-Oner» орталығы қолөнершілерінің бұйымдарын әкелдім. Мұнда киіз, былғары, ағашпен жұмыс істейтін шеберлердің өнімдері қойылған. Бәрі қолдан жасалған туындылар. Дәстүрлі қолөнеріміз көрмеге келушілердің үлкен қызығушылығын туғызды.

Хабар 24 телеарнасы