432,64 506,00 5.46
+7 (7172) 757 485 24kz@khabar.kz
ҚАЗ

Шонжыда салынып жатқан спорт кешені қирап қалды

  • 213
  • UPD: 13:22, 22.09.2020
Шонжыда салынып жатқан спорт кешені қирап қалды

Алматы облысының Шонжы ауылында салынып жатқан дене шынықтыру және сауықтыру кешені бітпей жатып, қирап қалды, деп хабарлайды «Хабар 24».

Ұйғыр ауданындағы нысанның құрылысы «Ауыл – ел бесігі» бағдарламасы аясында өткен жылдың қараша айында басталған екен. Жоспар бойынша спорт кешені 2021 жылдың қаңтар айында пайдалануға берілуі тиіс еді. «Лидер НК» мердігер компаниясы салып жатқан нысанның жалпы құны – 1 млрд 171 млн теңге. Бірақ бюджет ақшасына бой көтеруі тиіс ғимараттың бітпей жатып, шатыры құлады. «Оның себеп-салдары әлі белгісіз», – дейді құзыретті орган өкілдері. Осы оқиғаға байланысты арнайы комиссия құрылып, тексеру жұмастары жүргізіліп жатыр. 

Еркебұлан Усманбаев, облыстық Құрылыс басқармасы басшысының орынбасары:

– Кеше шамамен күндізгі 12:00-де дене шынықтыру-сауықтыру кешенінде үшінші блоктың төбесі, шатыры құлады. Абырой болғанда, зардап шеккендер жоқ. Қазіргі таңда комиссия жұмыс істеп жатыр. Комиссияның қорытындысына сәйкес не себептен бұлай болғандығы қосымша айтылатын болады.

Хабар 24 телеарнасы