384.05 434.70 5.96
+7 (7172) 757 485 24kz@khabar.kz
ҚАЗ


Макгрегор мен Мейвэзер арасындағы жекпе-жек 2017 жылдың соңында өтетін болды

  • 622
  • UPD: 20:49, 30.01.2017
Макгрегор мен Мейвэзер арасындағы жекпе-жек 2017 жылдың соңында өтетін болды

Аралас жекпе-жектен (UFC) жартылай жеңіл салмақтағы әлем чемпионы Конор Макгрегор Флойд Мейвэзерге қарсы бокс ережесі бойынша өтетін жекпе-жек 2017 жылдың соңында немесе 2018 жылдың басында болатынын айтты.

Ирландиялық спортшының айтуынша, ол жуық арада Лас-Вегасқа барып, боксшының лицензиясын алуға дайындалып жатыр екен.

«Менің ойымша, бұл миллард доллар үшін өтетін бірінші жекпе-жек болады. Кездесу биылғы жылдың соңында немесе келер жылдың басында өтетін шығар. Қазір мен Лас-Вегасқа барып, боксшының лицензиясын алуға дайындалып жатырмын. Содан соң Мейвэзердің ұсынысын күтемін», - дейді Конор worldboxingnews.net басылымына берген сұхбатында.

Айта кетейік, бұған дейін БАҚ-да америкалық боксшы Флойд Мейвэзердің Конор Макгрегорға бұл кездесуді өткізу үшін 15 млн доллар ұсынғаны туралы айтылған еді. Алайда ирландиялық спортшы бұл ақшаны азсынды.

Одан кейін UFC президенті Дана Уайт екі спортшыға да жекпе-жек үшін 25 млн доллар ұсынған болатын. Бірақ бұл ұсынысты Мейуэзер қабылдаған жоқ, деп жазады vesti.kz.

Хабар 24 телеарнасы