378,17 430.15 5.89
+7 (7172) 757 485 24kz@khabar.kz
ҚАЗ

Қазақстандық әскерилер Қытайдағы сайыстан жүлдемен оралды

  • 479
  • UPD: 10:24, 05.01.2019
Қазақстандық әскерилер Қытайдағы сайыстан жүлдемен оралды

Қытайда спорттық бағдарлаудан Азияның VI чемпионаты өз мәресіне жетті. Онда Армия орталық спорт клубының спортшылары қола жүлдегерлер атанды.

Бұл туралы ҚР Қорғаныс министрлігінің ресми сайтында жарияланды.

Сайысқа 11 елден 300-ден астам спортшы қатысты. Қатысушыларға спорттық карта және компастың көмегімен барынша қысқа уақытта жүріп өтілген жерде орналасқан бақылау пункттері арқылы таныс емес тас жолдан өту қажет болды. Нәтижелер жиналған ұпайлар саны бойынша анықталды. Сайыс қорытындылары бойынша армиялық спортшылар, халықаралық дәрежедегі спорт шеберлері капитан Денис Власов пен мерзімді қызметтегі қатардағы жауынгер Виталий Лукашевич қола жүлдегер атанды. Өткен турнир рейтингтік болып табылатынын айта кету қажет. Оның қорытындысы бойынша максималды ұпай санын жинаған жеңімпаздар мен жүлдегерлер биылғы жылдың тамызының 13-і мен 17-і аралығында Норвегияда өтетін әлем чемпионатына қатысады.

inform.kz

Хабар 24 телеарнасы