375,90 426.35 5.80
+7 (7172) 757 485 24kz@khabar.kz
ҚАЗ

Қызылордалық оқушы ұңғымаларды орналастырудың тың әдісін ойлап тапты

  • 150
  • UPD: 15:18, 11.03.2019
Қызылордалық оқушы ұңғымаларды орналастырудың тың әдісін ойлап тапты

Бес ұңғымадан өндірілетін мұнай мен газ көлемін бір ұңғыма арқылы да шығаруға болады, деп хабарлайды «Хабар 24».

Ол үшін қызылордалық оқушы Жаңагүл Тынысбектің ойлап тапқан математикалық моделін өндірісте пайдалану керек. Ұңғымаларды орналастыру есебіне теориялық және сандық зерттеу жүргізген ол геологтармен бірлесе қажетті параметрлерді жинақтап, газ өндіру коэффициентін арттыратын жаңаша математикалық формула құрды. Оны Сыр өңіріндегі мұнай кеніштерінде сынақтан өткізіп, оң нәтижеге қол жеткізген болатын. Жуырда осы ғылыми жоба халықаралық математика және механика байқауында 300 қатысушының арасында үздіктер қатарынан көрінген болатын.

Жаңагүл Тынысбек, оқушы:

- Газ кеніштерінде неғұрлым ұңғымаларды аз орналастырсақ, соғұрлым экономикалық жағынан тиімді. Себебі әр ұңғыманы орналастыру үшін көп қаржы кетеді. Яғни осы модельді газ кеніштерінде қолданатын болса, экономикалық жағынан тиімді болады деп айта аламын.

Сәндігүл Сүлейменова, жоба жетекшісі:

- Бұрынғы алгоритмдер, соның ішінде шетелдік газ өндіру алгоритмдерімен таныстық. Біздің алгоритмнің ерекшелігі, бағалау коэффициенттеріне негізделді.

Хабар 24 телеарнасы