432,23 508,50 5.48
+7 (7172) 757 485 24kz@khabar.kz
ҚАЗ

Универсиада-2017: Қазақстан жүлделер саны бойынша Ресейді қуып жету мүмкіндігінен айырылды

  • 3237
Универсиада-2017: Қазақстан жүлделер саны бойынша Ресейді қуып жету мүмкіндігінен айырылды

Ресейліктердің еншісінде жалпы 56 жүлде бар.

Ресей құрамасы Алматыда өтіп жатқан 28-ші қысқы Универсиада ойындарында командалық есепте бірінші орын алды. Бұл туралы Vesti.kz «Р-Спорт» порталына сілтеме жасап хабарлайды.

Кеше хоккейден Ресейдің қыздар құрамасы финалдық ойында Канада қыздарынан 4:1 есебімен үстем түскен еді. Осылайша Универсиада ойындарында Ресей құрамасының қоржынына 23-ші алтын жүлде түсті. Ал Универсиада ойындарының қалғанын күнінде 16 жүлде сарапқа салынады. Екінші орында келе жатқан Қазақстан құрамасының еншісінде болса 10 алтын жүлде бар.

Сондықтан да математикалық есеп бойынша Қазақстан құрамасы Ресейді жүлделер саны бойынша қуып жете алмайды.

Қазіргі уақытта жалпы Ресей құрамасының еншісінде 56 жүлде (23 алтын, 20 күміс, 13 қола) бар. Қазақстанда құрамасында 27 жүлде (10 алтын, 3 күміс, 11 қола) болса, Корея құрамасының спортшылары 17 (8 алтын, 4 күміс, 5 қола) жүлде жеңіп алды.

Хабар 24 телеарнасы