430,99 515.14 5.69
+7 (7172) 757 485 24kz@khabar.kz
ҚАЗ

Алматы облысында үш тауар түрінің бағасы межелік деңгейден асып кетті

  • 499
  • UPD: 19:54, 04.02.2020
Алматы облысында үш тауар түрінің бағасы межелік деңгейден асып кетті

Алматы облысында қаңтар айында әлеуметтік маңызы бар үш тауар түрінің бағасы межелік деңгейден асып кетті, деп хабарлайды «Хабар 24».

Тауық жұмыртқасы бірден 12 теңгеге қымбаттаса, сүт 3, ірімшік 1 теңгеге қымбаттаған. Қалған 16 тауардың құны қалыпты. Сауда орындарына мониторинг апта сайын жасалып тұрады. Бағаны шарықтатпау мақсатында тұрақтандыру қорына 11 мың тонна азық-түлік сатып алынған. Өңірде 300-ге жуық әлеуметтік дүкен жұмыс істеп тұр. Сонымен қатар жергілікті наубайханаларға арзандатылған бағамен бірінші сұрыпты ұн жеткізу үшін агенттік келісімшарттарға қол қойылды. Соған сәйкес астықтың 1 келісі 90 теңгеден сатып алынған. Соның тең жартысына жуығы бюджеттік қаржы есебінен субсидияланады. Ал аудандарда апта сайын ауыл шаруашылығы өнімдерінің жәрмеңкесі өткізіледі.

Айгүл Ыдырысова, облыстық кәсіпкерлік басқармасының бөлім басшысы:

- Облыста бағаны тұрақтандыру жөніндегі штаб жұмыс істеп тұр. Тұрақтандыру қорын арнайы комиссия қадағалайды. Оның өзіндік ережелері бекітілген. Тауарлардың қандай бағамен саттыққа шығарылатыны сараптама қорытындысына сай белгіленіп отырады.

Хабар 24 телеарнасы