423,41 498,70 5.56
+7 (7172) 757 485 24kz@khabar.kz
ҚАЗ


Жұмыс орнының алыс болғаны денсаулыққа кері әсер етеді – зерттеу

  • 504
  • UPD: 22:25, 11.01.2020
Жұмыс орнының алыс болғаны денсаулыққа кері әсер етеді – зерттеу psychologies.ru

Швед ғалымдары жұмыс орны алыста орналасқан адамдардың денсаулығы үйіне жақын маңда жұмыс істейтіндерге қарағанда төмен болатынын анықтады, деп жазады ҚазАқпарат The Times of İndia басылымына сілтеме жасап.

«Зерттеу нәтижесінде аптасына 40 сағат жұмыс істейтін адамдар күн сайын жұмыс орнына бару үшін жарты сағаттан көп уақыт жұмсайтын болса, бұл оның денсаулығының нашарлау қаупін 25 пайызға арттыратыны белгілі болды. Сонымен қатар бұл жағдайда адамның ұйқысының бұзылу қаупі 16%-ке өседі», деп жазады басылым.

Автордың айтуынша, жұмыс алдында және жұмыстан кейін күйзелістен арылып, демалуға мүмкіндік болмайтындықтан, бұл денсаулыққа кері әсер етеді.

Аталған зерттеуді Стокгольм университетінің ғалымдары жүргізген. Зерттеуге 22 мың адам қатысқан.

«Жұмыс күнінен кейін адамдар үйіне ұзақ жол жүру үшін шаршаңқы болады, физикалық белсенділігі болмайды. Бұл денсаулыққа кері әсер етеді», деп жазады басылым.

Хабар 24 телеарнасы