386,83 431,60 5.87
+7 (7172) 757 485 24kz@khabar.kz
ҚАЗ


Ақмола облысында оққа ұшқан табиғатты қорғау инспекторы көз жұмды

  • 256
  • UPD: 16:35, 23.07.2019
Ақмола облысында оққа ұшқан табиғатты қорғау инспекторы көз жұмды БелТА

Ақмола облысында браконьерлермен күрескен табиғатты қорғау инспекторы ауруханада қайтыс болды, деп хабарлайды ҚазАқпарат.

«Державинск қаласының аудандық ауруханасына жеткізілген «Охотзоопром «ӨБ» РМҚК инспекторы оқ жарақатынан қайтыс болды. Екінші инспекторға сол ауруханада операция жасалып жатыр», – деп жазды ҚР АШМ Орман шаруашылығы және жануарлар әлемі комитетінің баспасөз хатшысы Сәкен Ділдахмет.

Айта кетейік, инспекторлар Ақмола облысы Жарқайың ауданында табиғатты қорғау заңнамасын бұзғандардың алдын алу шарасын жүргізген және киік ату фактісін анықтаған. Заң бұзушылардың ізіне түскенде Қостанай облысына тиесілі ақ түсті «Нива» маркалы автокөліктен (мемлекеттік нөмірі белгісіз) оқ атылып, екі инспектор жарақат алған. Ақмола облысы Жарқайың ауданының полиция бөлімі күдіктілерді іздеп жатыр.

Еске сала кетсек, жыл басында Қарағанды облысы Нұра ауданының аумағында киік атқан браконьерлер екі инспекторды жаралаған еді. Ауыр жарақат алған Ерлан Нұрғалиев 15 қаңтарда Астананың №1 ауруханасында көз жұмды.

Хабар 24 телеарнасы