387,34 428,00 6.02
+7 (7172) 757 485 24kz@khabar.kz
ҚАЗ


Колумбия фермерлері есірткі орнына дәнді дақыл егуді ұйғарды

  • 638
  • UPD: 02:36, 16.07.2017

Колумбияда өткен жылы кокаин есірткісін өсіру көлемі 34 пайызға артып, 866 тоннаға жеткен.

Бұл деректі Біріккен Ұлттар Ұйымының Есірткі және қылмыс жөніндегі басқарамасы жария етті.

Ұйым баяндамасына сүйенсек, егістік алқабы 2015 жылмен салыстырғанда 96 мыңнан 146 мың гектарға дейін ұлғайған. Мамандар бұл ел тарихындағы ең ірі меже екенін айтты. Әсіресе есірткі егу Эквадор мен Венесуэла шекарасына жақын аймақтарда көбейген. Колумбия билігі болса, мәселемен күресу үшін барлық шараны қолға алып жатқанын айтады. Мысалы, биыл шаруалардың 50 мың гектар есірткі алқабын күштеп жойып, тағы 50 мың гектар жерді ерікті түрде басқа дәнді дақылдармен ауыстыру көзделіп отыр.

Хабар 24 телеарнасы