376,16 406 5,90

+7 (7172) 757 485 24kz@khabar.kz
ҚАЗ


Елімізде 11 мыңнан астам адамға іздеу салынған

  • 132
  • UPD: 16:26, 21.01.2020
Елімізде 11 мыңнан астам адамға іздеу салынған

Қазіргі уақытта 11 133 адам іздеуде жүр, олардың 2 247-і – хабарсыз кеткен, деп хабарлайды ҚазАқпарат ҚР Бас прокуратурасының Құқықтық статистика және арнайы есепке алу жөніндегі комитетіне сілтеме жасап.

«Қазақстанда іздеуді ішкі істер, ұлттық қауіпсіздік, қорғаныс, экономикалық тергеу қызметі, мемлекеттік күзет және жемқорлыққа қарсы қызмет органдары жүргізеді. Барлық іздестіру істерін тіркеуді, сондай-ақ мемлекетаралық ақпараттық деректер қорымен өзара іс-қимылды ҚР Бас прокуратурасының Құқықтық статистика және арнайы есепке алу жөніндегі комитеті жүзеге асырады», – деп атап өткен Комитеттің Facebook парақшасында жарияланған хабарламада.

«Із-түзсіз жоғалғандардың басым көпшілігі Алматы қаласында (328), Алматы (308), ШҚО (221) және Қарағанды облыстарында (221). Олардың ішінде көбінесе 30 бен 49 жас аралығындағы ер адамдар (76%) әртүрлі себептермен жоғалған. 1723-і — үйлерінен шығып кетіп оралмаған, 74-і — автокөліктерімен, 36-сы — жұмыстан шығып, келмеген. Сондай-ақ, елімізде тергеуден және соттан жасырынған 2 453 адам іздестірілуде. Жекелей алғанда олардың ішінде алаяқтық (451), ұрлық (270) және кісі өлтіргені (166) үшін Алматыда — 463, Алматы облысында — 245 және Шығыс Қазақстан облыстарында — 203 адамға іздеу салынған. Олардың арасындағы 89%-ы негізінен 31 мен 40 жастағы ер адамдар», – деп түсініктеме берген Комитетте.

Хабар 24 телеарнасы