378,17 430.15 5.89
+7 (7172) 757 485 24kz@khabar.kz
ҚАЗ

200 мың доллар жымқырды деген күдікпен Ұлттық бюро тергеушісі қамауға алынды

  • 252
  • UPD: 11:55, 28.02.2019
200 мың доллар жымқырды деген күдікпен Ұлттық бюро тергеушісі қамауға алынды ИноСМИ

Ұлттық бюро департаментінің аса маңызды істер жөніндегі тергеушісі қылмыстық іс бойынша заттай дәлел ретінде тәркіленген 200 мың долларды ұрлаған, - деп хабарлайды Tengrinews.kz Мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

«Түркістан облысы бойынша Ұлттық бюро департаментінің аса маңызды істер жөніндегі тергеушісі Б. қылмыстық іс бойынша тәркіленген заттай дәлел болатын шамамен 200 мың доллар ақша қаражатын жымқырған», - делінген хабарламада.

Қылмыстың ауырлығын ескере келе сот оның асырауында кәмелетке толмаған балалары барына қарамастан, екі айға қамау түріндегі санкция шығарды.

Сондай-ақ, осы іс бойынша жедел тергеу тобының басшысы жұмыстан босатылды, аумақтық орган басшысының орынбасары мен тергеу басқармасының басшысы қызметінен босатылды. Ұлттық бюро органдарының аумақтық және тергеу департаменттерінің басшылары бақылауды әлсіреткені үшін қатаң тәртіптік жауапкершілікке тартылды.

Агенттік өкілдері бөлімшелер басшылары қарамағындағылардың сыбайлас жемқорлық үшін дербес жауап беретінін айтады.

Сонымен қатар, қарамағындағылар жасаған сыбайлас жемқорлық құқықбұзушылықтарды дербес анықтайтын және оларды ашуға белсенді түрде көмек көрсететін басшылар жауапкершіліктен босатылады. Мұндай жағдайлар Ұлттық бюроның Қарағанды, Маңғыстау облыстары және Алматы бойынша департаменттерінде болған.

Ведомство мәліметінше, 2018 жылы сыбайлас жемқорлық қылмыстары үшін сыбайлас жемқорлыққа қарсы қызметтің бес қызметкері, Қарағанды облысы бойынша Мемлекеттік қызмет департаментінің бір қызметкері және мемлекеттік басқару академиясының бір филиалы қылмыстық жауапкершілікке тартылды. Қазіргі уақытта ведомствоның жеті офицеріне қатысты сотқа дейінгі тергеу жүргізіліп жатыр. Осы қылмыстардың барлығы ұйымның өз күшімен анықталған.

Хабар 24 телеарнасы