432,64 506,00 5.46
+7 (7172) 757 485 24kz@khabar.kz
ҚАЗ


Қанат Ислам Америкада өтетін жекпе-жегіне дайындықты бастады

  • 265
  • UPD: 17:10, 23.09.2020
Қанат Ислам Америкада өтетін жекпе-жегіне дайындықты бастады

Орта салмақта өнер көрсететін қазақстандық кәсіпқой боксшы Қанат Ислам келесі кездесуіне дайындығын бастады, деп хабарлады Vesti.kz.

Қанат Исламның шаршы алаңға шықпағанына бір жылдай уақыт болды. Ол соңғы кездесуін өткен жылдың 26 қазанында Алматы қаласында өткізіп, намибиялық Уолтер Каутондакваны төрешілердің шешімі бойынша жеңді. Бұл кездесуде отандасымыз WBO International белбеуін ұтып алған еді. 

BoxRec ақпараты бойынша, Ислам келесі кездесуін 16 қазан күні Плант-Сити (Флорида штаты, АҚШ) қаласында өткізеді. Бірақ оның қарсыласы әлі анықталған жоқ. 

Бұл кездесуге боксшы Нельсон Лопес атты менеджермен бірге дайындалады. Өткен жылы ол 2017 жылы The Ring тұжырымы бойынша үздік менеджер атанған Эгис Климаспен келісімшартын бұзған болатын. 

Хабар 24 телеарнасы