378.01 421.60 5.87
+7 (7172) 757 485 24kz@khabar.kz
ҚАЗ


Головкин мен Роллстың жекпе-жегіне бір ай қалды

  • 132
  • UPD: 15:09, 10.05.2019
Головкин мен Роллстың жекпе-жегіне бір ай қалды highsnobiety.com

Бұл туралы боксшының өзі жазды.

Орта салмақтағы бұрынғы әлем чемпионы қазақстандық Геннадий Головкин мен канадалық Стив Роллс арасындағы жекпе-жекке бір ай қалды, - деп хабарлайды Vesti.kz.

Бұл туралы GGG Instagram әлеуметтік желісіндегі парақшасында жазды. Головкин мен Роллстың кездесуі басты жекпе-жек болатын бокс кеші 8 маусымда Нью-Йорктегі Madison Square Garden аренасында өтеді. Нұр-Сұлтан уақыты бойынша бұл 9 маусымда таңертең болады.

Жекпе-жек келісілген 164 фунт салмақ бойынша өтеді. 37 жастағы қазақстандық үшін бұл жекпе-жек DAZN стримингтік сервисімен келісім-шарт бойынша, алты кездесудің біріншісі және мексикалық Сауль «Канело» Альвареспен болған даулы жекпе-жектен кейінгі бірінші болады. Бұл шоудың андеркартында тағы екі қазақстандық өнер көрсетеді - Әли Ахмедов пен Данияр Елеусінов.

Хабар 24 телеарнасы