427,91 501,70 5.60
+7 (7172) 757 485 24kz@khabar.kz
ҚАЗ


Арқалықта құстың басым бөлігі асфиксиядан өлген

  • 104
  • UPD: 12:32, 13.10.2020
Арқалықта құстың басым бөлігі асфиксиядан өлген

Арқалық қаласындағы «Агроинтерптица» құс фабрикасында желдетудің болмауынан 256 мыңнан астам құс қырылып қалған.

Бұл тауықтар үшін өтемақы қарастырылмаған. Бұл туралы ҚР Президенті жанындағы ОКҚ брифингінде ҚР АШМ Ветеринариялық бақылау және қадағалау комитеті төрағасының міндетін атқарушы Тұрсын Қабдолданов мәлімдеді.

«Құс фабрикаларындағы құс өлімі толығымен тоқтады. «Бескөл құс фабрикасы» ЖШС-де бір айда құс тұмауынан 184 621 құс қырылды. Барлық залал үшін өтемақы беріледі. «Агроинтерптица» ЖШС-іне 391 мыңнан астам құсөлді. Оның ішінде желдетудің болмауы салдарынан асфиксиядан 256 040 құс қырылды, олар өтелуге жатпайды. Құс тұмауынан 135 384 құс қырылды. Тағы 41 642 құс тәркіленіп, жойылды. Осылайша екі құс фабрикасына 361 647 құс үшін өтемақы беріледі», – деп хабарлады Тұрсын Қабдолданов.

Сондай-ақ ол Қазақстан Республикасында 64 құс фабрикасы жұмыс істейтінін және олардың тек екеуінде ғана құс тұмауы салдарынан өлім болғанын атап өтті.

«Құс фабрикаларында тексеру жүргізу кезінде олардың иелері ветеринариялық-санитариялық талаптарды сақтамағаны анықталды. Атап айтқанда, құс фабрикаларының аумағында жем-шөпке еркін қол жеткізе алатын жабайы және қоныс аударатын құстар табылды», – деді Ветеринариялық бақылау және қадағалау комитетінің өкілі.

Бұған дейін Тұрсын Кабдулданов брифингте Қазақстанда құстардың тәулік ішінде өлімі 22 басқа дейін қысқарғанын хабарлады. Жаңа жағдайлар тек СҚО-ның жеке қосалқы шаруашылықтарында тіркелген. Республиканың басқа өңірлерінде а.ж. 11 қазанда құс өлімі тіркелген жоқ. Соңғы 10 күндегі динамиканы ескере отырып, Ветеринариялық бақылау және қадағалау комитеті мамандары Қазақстанда жоғарғы патогенді құс тұмауынан құс өлімінің толық тоқтағанын атап өтті.

«Қыркүйек айының ортасынан бастап жеке қосалқы шаруашылықтарда жоғары патогенді құс тұмауын жұқтырудың салдарынан 25 мыңға жуық құс өлімі тіркелді. Сонымен қатар инфекция ошақтарынан 20 177 құс тәркіленді. Осылайша қазіргі уақытта барлығы жеке қосалқы шаруашылықтағы  45 110 құсқа, оның ішінде 27 393 тауық, 777 күркетауық, 10 141 қаз, 6 799 үйрек үшін өтемақы беріледі», – деп нақтылады спикер.

Хабар 24 телеарнасы