386,67 424,50 6.01
+7 (7172) 757 485 24kz@khabar.kz
ҚАЗ


Үндістанның 74 жастағы тұрғыны егіз босанды

  • 130
  • UPD: 12:21, 06.09.2019
Үндістанның 74 жастағы тұрғыны егіз босанды pixabay.com

Үндістанның Андхра-Прадеш штатының тұрғыны ЭКҰ арқылы 74 жасында егіз босанды, деп хабарлайды tengrinews.kz

Аурухана директорының айтуынша, Эрраматти Мангаямма кесар тілігі арқылы босанған. 

«Операция сәтті өтті. Анасы да, баласы да аман-есен, өмірлеріне қауіп төніп тұрған жоқ. Алайда анасы қазір интенсивті терапия бөлімінде жатыр», – дейді дәрігер Hindustan Times-ке берген сұхбатында. 

Мангаямма егіздерді емізе алмайды, олар сүтті донорлық сүт шөлмегінен алады. Дәрігердердің айтуынша, 74 жастағы әйел диабет және гипертензия секілді медициналық асқынулардың болмағанынан сәтті босанған екен. Мангаямма мен 82 жастағы күйеуі Рая Раомен 1962 жылы 22 наурызда шаңырақ құрған. Олар соңғы 57 жылда бала сүйе алмаған. Алайда жасанды ұрықтандырудың көмегімен олар биыл ата-ана атанған. 

Хабар 24 телеарнасы