387,34 428,00 6.02
+7 (7172) 757 485 24kz@khabar.kz
ҚАЗ


Астанада бейнебақылау жүйесі енді қар тазалаудың да сапасын бақылайды

  • 547
  • UPD: 16:07, 23.02.2018
Астанада бейнебақылау жүйесі енді қар тазалаудың да сапасын бақылайды astana.gov.kz

Астана мониторинг және жедел әрекет ету орталығы қаладағы қар тазалаудың сапасын бақылайтын болды.

Бұл туралы елорда әкімдігінің баспасөз қызметі хабарлады.

Коммуналдық қызметтің жұмысын мониторингілеу қалалық бейнебақылау жүйесінің көмегімен онлайн режимде жүргізеді.

3000-ға жуық камера қаладағы жолдар мен тұрғын үйлердің кіреберіс аумағын, ішкі кіреберіс пен балалар алаңын қалай тазалап жатқанын бақылайды.

Тазаланбаған ауланы анықтаған жағдайда мониторинг орталығының операторлары ол жерге қар тазалайтын көлік пен жұмысшыларды жібереді. 

Бейнебақылаудың жалпы жүйесіне әзірге Үркер мен Көктал тұрғын алаптары ғана қосылған жоқ. 

Сонымен қатар тұрғындарға қолайлы болу үшін қаланың коммуналдық қызметіндегі қар тазалау жұмысы тәулік бойы жүреді. 

«Астана Тазалық» ЖШС мәліметінше, қаланы қардан тазалауға 300 жұмысшы мен 256 арнайы техника жұмылдырылған. Қыс басталғалы, Астананың үш ауданынан полигонға 2 421 266 текше метр қар шығарылды.

Астана әкімдігі барлық тұрғын үй-коммуналдық мәселеге қатысты, оның ішінде қар шығару үшін тәулік бойы жұмыс істейтін қалалық Мониторинг және жедел әрекет ету орталығына, саІІ-орталықтағы 109 номеріне қоңырау шалуға болатынын еске салады.

Немесе: 

–«Smart Astana» мобильді қосымшасы арқылы (Smart Astana мобильді қосымшасын Android пен IOS-қа жүктеп алу үшін сілтеме: https://play.google.com/store/apps/details …https://itunes.apple.com/us/app/smart-astana/id1080928295 …)

– Facebook-тегі чат-бот: http://m.me/astana109ігі

Сонымен бірге Астана әкімдігі үйдің жанындағы тазартылмаған қарды шығару үшін өз үйіңіздің ПИК (басқарушы компания) жүгіну қажет екендігін еске салады.

Хабар 24 телеарнасы