365,48 417.85 5.52
+7 (7172) 757 485 24kz@khabar.kz
ҚАЗ

Ақтөбе облысында EXPO 2017 технологиясымен жел электр станциясы салынады

  • 265
  • UPD: 14:25, 06.09.2018
Ақтөбе облысында EXPO 2017 технологиясымен жел электр станциясы салынады 7kun.kz

Ақтөбе облысының аумағында бес трансұлттық корпорация өнеркəсіптің түрлі салаларында жұмыс істейді.

Енді тағы екі ірі инвестор ENI және General Electric аймағымызға кіріп, Қарғалы ауданында Астана қаласында Халықаралық EXPO 2017 көрмесінде ұсынылған жаңартылатын энергия көздері технологияларын пайдалана отырып, қуаттылығы 48 МВт жел электр станциясын салады. 5 қыркүйек күні облыс әкімі Бердібек Сапарбаев пен «Arm Wind» компаниясының директоры Абрамо Фердинандо бизнес-кеңестің отырысында тиісті меморандумға қол қойды.

ЖЭС жоспарланған жылдық қуаттылығы 190 ГВт-қа тең болады. Инвестиция көлемі шамамен 100 миллион еуро. Нысанның құрылысын ағымдағы жылдың төртінші тоқсанында бастап, 2019 жылдың соңында пайдалануға беру жоспарлануда. Құрылыс кезеңінде 300 жұмыс орны құрылады.

Іскерлік-кеңестің ең маңызды оқиғасы жиынның жұмысына «Қазхром» ТҰК, «SinopecGroup», CNPC өкілдері қатысып, сондай-ақ өндірісті жаңғырту үшін Жол карталарына қол қойылды.

«Өткен жылы Президент Нұрсұлтан Назарбаев Төртінші индустриалды революция жағдайында дамудың жаңа мүмкіндіктері туралы жариялады. Біз оның элементтерін енгізе отырып, жылдың қорытындысы бойынша жалпы сомасы 85 млрд теңгеге 42 компанияны жаңғыртуымыз керек. Бұл инвестицияларды ұлғайтуды талап етеді. Былтыр ол шамамен 465 млрд теңге қалдырып, биылғы жылы кемінде 530 млрд теңге инвестиция тартуға уәде берді. Бүгін біз аймақтық экономиканы одан әрі дамыту үшін маңызды екі мәселе – өндірісті жетілдіру мен біздің өңірдің инвестициялық әлеуетін арттыруды талқылау үшін жиналып отырмыз», - деді Бердібек Сапарбаев, шараға қатысушыларға арнаған сөзінде.

Сондай-ақ кездесу аясында «Желэнерго» ЖШС-мен Мәртөк ауданында жел электр станциясын салу туралы меморандумға қол қойылды. Бұл жобаның технологиялары EXPO 2017 халықаралық көрмесінде де көрсетілді. Жалпы алғанда, өңірде EXPO 2017-нің 6 инновациялық технологиясы енгізілді. Нәтижесінде кен өндіру өнеркәсібінің бағасы 1,5% -ға төмендеді, ал мұнай өндірісі 10%-ға өсті. EXPO 2017-нің тағы 15 технологиясы іске асырылу кезеңінде.

Осы категория бойынша: « Қазақстанда ажырасу дерегі көбейген Павлодар тұрғындары мейрамхана салып жатқан кәсіпкерге қарсы шықты »
Серіктестер жаңалықтары
Хабар 24 телеарнасы