419,54 511.30 5.71
+7 (7172) 757 485 24kz@khabar.kz
ҚАЗ

Петропавлдық коллекционер «Москвич» жинауға құмар

  • 88
  • UPD: 21:43, 01.12.2020

Петропавлдық коллекционер ескі көліктерді жинап қалпына келтіруге құмар.

Әсіресе «Москвичтерге» бүйрегі бұрып тұрады.

Қазір шебердің меншігінде кеңестік кезеңнің осындай 4 темір тұлпары бар.

Бұл – 59-жылғы сирек «Москвич». Кеңестік кезеңде оның 7 жарым мыңы ғана шығарылған. Сол қалпы. Бірде бір рет жөнделмеген. Жүріп тұр. Игорь Туев оны бір қариядан сатып алған.

Ал бұл 63-жылғы «Москвич». Шебер оны металл тапсыратын орыннан алып қалған. Енді көне көлікті қайта қалпына келтіруге барын салып жүр.  

Игорь Туев, коллекционер – реставратор:

– Түп нұсқасын 100 процентке шығара алмаймын. Көптеген қосалқы бөлшегін табу мүмкін емес. Әрі қымбат. Бірақ барынша тырысып көремін.

401-інші «Москвич». Екінші дүниежүзілік соғысынан кейін құрастырылған көлік. Сирек кездесетін раритет Игорьдің қолына 10 жыл бұрын тиіп, қазір жалтырап, жайнап тұр.

Игорь Туев, коллекционер – реставратор:

– Мен мұнымен Жеңіс күні ғана жүремін. Қаланы бір шарлап шығып, мәңгілік алау маңына барып тұрамын. Адамдар қызықтап суретке түседі.

Игорь үшін ең қымбат, әрі ең ыстық – мына көлік. Бұл – оның ең алғашқы жұмысы. Көліктің сырты «Москвич» болғанмен, іші «Мерседес». Оны құрастырып, жинауға 10 жыл кеткен.

Игорь Туев, коллекционер – реставратор:

– Бұл көлікті 2007 жылы бастап, 2017 жылы аяқтадым. Әлі толық біткен жоқ. Арасында қолымды бір сермеп, енді істемеймін дедім. Бірақ қайта келіп, қайта кірістім.

Игорь – мамандығы бойынша дәнекерлеуші. Оның коллекциясы шағын болғанымен өте құнды. Шебер әлі талай көне көлікті қалпына келтіріп, көпшілік назарына ұсынбақ.

Авторлары: Айдарбек Айтмұхамбетұлы, Руслан Әлиев

Хабар 24 телеарнасы