423,42 511.30 5.58
+7 (7172) 757 485 24kz@khabar.kz
ҚАЗ

Алматының тұрақтандыру қорына ең көп сұранысқа ие 45 млн дәрі-дәрмек түсті

  • 124
Алматының тұрақтандыру қорына ең көп сұранысқа ие 45 млн дәрі-дәрмек түсті Алматы әкімдігі

Алматы қаласының әкімі Бақытжан Сағынтаев жұмыс сапары кезінде мегаполис дәріханалары үшін дәрі-дәрмектерді тұрақтандыру қорын құруға қатысатын фармацевтикалық компаниялардың қоймаларын аралады.

Өзінің Instagram-дағы аккаунтында қала әкімі Б.Сағынтаев қала дәріханаларында жоғары сұранысқа ие дәрілік заттар мен медициналық өнімдердің тапшылығын болдырмау шаралары туралы айтты.

«Жұмыс сапары кезінде қаладағы дәріханаларға берілу үшін тұрақтандыру қорына сатып алынатын медпрепарат қоймаларындағы жағдаймен таныстым. Биыл «Медсервис Плюс» компаниясы 6 млн бума парацетамол мен аспирин жеткізді. Минималды қалдық – 1,2 миллион бума», – деп жазды Алматы әкімі.

Оның айтуынша, қабылданған міндеттемелер аясында Biola фармацевтикалық компаниясы Алматыға 27 қалдық миллион бірлік медициналық өнім – шприцтер, инфузиялық жүйелер, электронды және сынапты термометрлер әкелді. Төмендетілмеген қалдық – 5,4 млн бірліктегі медициналық бұйымдар, деп хабарлайды Алматы әкімдігінің баспасөз қызметі.

«Іңкәр» компаниясының қоймаларында – 62 түрлі 7,7 млн дәрілік заттар, оның ішінде 1,4 млн пакет антибиотиктердің азаймайтын қоры («Азитромицин», «Сумамед» және т.б.), дене қызуын түсіретін («Ибупрофен», «Ибуфен» және т.б.), антикоагулянттар («Кардиомагнил», «Фраксипарин» және т.б.), вирусқа қарсы дәрілердің қоры бар («Фавипиравир», «Анаферон», «Ингавирин» және т.б.).

«Жалпы, шілде айынан бері тұрақтандыру қорына медөнімдердің 64 түрі мен медбұйымдардың 4 түрі бойынша 45 млн дәрі-дәрмек жеткізілді. Бұл – жоспарланған көлемнен 12%-ке артық. Жалпы төмендетілмейтін қор көлемі – 8 млн бірлік. Медпрепараттар қаладағы барлық дәріхана желісіне жіберіледі. Бұл шара аурудың ушыққан кезеңінде дәрі-дәрмек тапшылығын болдырмауға мүмкіндік береді», – деп атап өтті Алматы әкімі Б.Сағынтаев.

Хабар 24 телеарнасы