384,85 431.47 6.11
+7 (7172) 757 485 24kz@khabar.kz
ҚАЗ


Алматы облысында ірі көлемде есірткі тәркіленді

  • 227
  • UPD: 09:44, 22.06.2019
Алматы облысында ірі көлемде есірткі тәркіленді

«Допинг» алдын-алу шарасы аясында полицейлер назарына ер адам іліккен.

Күдіктіні ұстау үшін Қарасай ауданы Алмалыбек ауылының маңында арнайы операция ұйымдастырылды. Нәтижесінде 56 жастағы Тараз қаласының тұрғыны ұсталды. Оның сөмкесінен 56 келі көкнәр табылған. Тексере келе оның бұған дейін де қылмыстық жауапкершілікке тартылғаны анықталды. Осы оқиғаға қатысты облыстық полиция департаментінде қылмыстық іс қозғалды.

Серік Үпиев, облыстық ПД ресми өкілі:

 - Есірткі буып түйілген күйінде үш үлкен сөмкеге салынған. Есірткінің  қайда өсірілгенін және қайда жөнелту жоспарланғаны сотқа дейінгі тергеу амалдары кезінде анықталатын болады. Қазіргі таңда күдікті уақытша ұстау оқшаулау орталығына қамалды.

Хабар 24 телеарнасы