427,88 501,70 5.49
+7 (7172) 757 485 24kz@khabar.kz
ҚАЗ


Жамбыл облысында оқушыларға әлі де компьютер жетіспейді

  • 167
  • UPD: 20:11, 26.09.2020

16 мыңнан астам оқушыға қашықтан білім алу үшін компьютер мен гаджет қажет. Оқу жылы басталғалы аймақ мектептеріндегі 25 мыңдай компьютер мұқтаж отбасылардың балаларына таратылды. Алайда бұл жеткіліксіз. Тапсырыс берілген ноутбук, моноблоктар өңірге енді келе бастады.

Тұрсынбаевтар отбасында 5 бала өсіп келеді. Оның төртеуі мектеп жасында. Бұл үйде компьютер жоқ. Бұл шаңырақтың балалары сабақ оқып, білім алу үшін смартфонға телміреді. Кезекпен оқиды. Ал сабақтары қатар келген кезде үлгірмей жатады. 

Темірлан Тұрсынбай, оқушы:

- Біз бірінші азанда біреуіміз оқып аламыз. Кешке біреуіміз оқып алып, жіберетінбіз. Конференциямен зуммен оқыған кезде видеозвонокпен бірдей болып қалады сабағымыз. Сол кезде біз оқи алмай біреуіміз кіре алмай қаламыз.  

Қазір өңірге республикалық бюджеттен бөлінген компьютерлер шетінен жеткізіле бастады. Алғашқылардың бірі болып Темірланға табыс етілді.  Енді ол бауырларыммен смартфонға таласпайтын болдым деп мәз. Бүгінгі күнге дейін осындай 7500-ден астам жаңа моноблок, ноутбук, планшеттер оқушыларға таратылған.  

Ләззат Бекжігітова, көп балалы ана:

- Бір-біріне кедергі болмайды да. Әпкем өзінің уақытысында дер кезінде сабағын оқи алады. Өйткені қазір қашықтықта оқиды. Жаңа сабақтар өте қиын болады. Сондықтан дер кезінде мұғалімнің айтқанын құлағымен ұғып, конференциясы болсын, былай болсын дер кезінде оқыған ол пайдалы ғой. Сондықтан бұл өте бізге керек дүние болды. Қуаныштымыз. Үлкен рақмет!  

Облыста осы сияқты 45 мың оқушы компьютерлік техникаға мұқтаж. Оның жартысынан көбіне мектептердің есебіндегі компьютерлер таратылып, мәселе біршама шешілген. Алайда әлі 16 мыңдай балаға онлайн оқуға арналған құралдар қажет.

Жәмилә Бекбатырова, облыстық білім басқармасы басшысының орынбасары:

- Қалған балаларға біз 18956 компьютер келеді деп күтіп отырмыз. Оныншы қазанға дейін келеді. Бұл жоспар бойынша осы компьютерлер келген кезде біз толық қажеттілікті жабамыз. Және бұл жерде артылатын компьютерлердің барлығын біз көпбалалы 4 баладан астам баласы бар отбасыларға екі компьютерден береміз.  

Соңғы статистикаға сәйкес аймақ бойынша 29 мың бала компьютерлік техникамен қамтамасыз етілген. Ал оқушыларды интернетпен қамту мәселесі өзекті күйінде қалып отыр. Білім басқармасы өкілдерінің айтуынша жақын арада 16 мыңнан астам роутер жеткізіледі.  

Руслан Бақытбекұлы, Бақытжан Бапаев, Руслан Ахатіллә

Хабар 24 телеарнасы