423.87 509.00 5.59
+7 (7172) 757 485 24kz@khabar.kz
ҚАЗ

Елорда мектептерінде екінші тоқсанда оқу ережелеріне өзгеріс енгізілді

  • 151
  • UPD: 23:30, 14.11.2020
Елорда мектептерінде екінші тоқсанда оқу ережелеріне өзгеріс енгізілді

Нұр-Сұлтан қаласының Бас мемлекеттік санитарлық дәрігерінің 2020 жылғы 24 қазандағы № 245 қаулысына өзгерістерді енгізу туралы жаңа қаулы шықты. Құжатқа сәйкес, екінші тоқсаннан бастап жалпы білім беретін мектептерде 5-сынып, ал халықаралық мектептерде 7-сыныпқа дейінгі оқушылар офлайн режимде оқитын болады.

Нұр-Сұлтан қаласының Бас мемлекеттік санитариялық дәрігері Ж.Пралиеваның қаулысы 3-тармағының 3.11-тармақшасына өзгерістер енгізілген.

Нақтырақ айтсақ, тармақша мынадай редакцияда жазылған:

«Екінші тоқсанда санитарлық-эпидемиологиялық талаптарды қатаң сақтай отырып, жалпы білім беретін мектептерде 1-5 сынып үшін, ал халықаралық мектептерде 1-7 сыныпқа дейінгі оқушылар үшін 15 баладан аспайтын кезекші сыныптар ашылады», - делінген қаулыда.

Нұр-Сұлтан қаласының ішкі саясат басқармасы БАҚ пен әлеуметтік желі арқылы қабылданған шешімдердің маңыздылығы мен өмірлік қажеттілігін түсіндіруге міндеттелді.

Қаулы 2020 жылдың 14 қарашасынан бастап күшіне енеді.

Қалалық білім басқармасының Фейсбук парақшасы

Хабар 24 телеарнасы