422.40 509.00 5.60
+7 (7172) 757 485 24kz@khabar.kz
ҚАЗ

Демалыс күндері елордада қандай мәдени іс-шаралар өтеді

  • 59
  • UPD: 15:56, 19.11.2020
Демалыс күндері елордада қандай мәдени іс-шаралар өтеді

Елордадағы мәдени ошақтар алдағы демалыс күндері қала тұрғындары мен қонақтарына арнап музыкалық қойылымдар, көрмелер мен экскурсиялар өткізеді.

Барлық іс-шара санитарлық талаптарға сай өтеді, деп хабарлады әкімдіктің баспасөз қызметі.

Astana Opera 21 қараша күні сағат 18:00-де Джузеппе Акуавиваның жетекшілігімен солистердің, хор мен симфониялық оркестрдің орындауында Мessa di Gloria әлемдік музыка классикасының жауһары Джакомо Пуччиниді ұсынады.

Тәуелсіздік сарайында дүйсенбіден сенбіге дейін (31 желтоқсанға дейін) Абай Құнанбаевтың 175 жылдығына арналған және «Ақанаевтар әулеті» атты көрмесі ұсынылған.

30 қарашаға дейін сағат 10:00 мен 17:00 аралығында «Өнер қарлығаштары» және «Әлем бала көзімен» атты балалар көрмесі өтеді. Сондай-ақ Қазақстан Суретшілер одағының мүшесі, «Шабыт» халықаралық шығармашыл жастар фестивалінің дипломанты, суретші Анар Әубәкірдің «Тылсым» атты көрмесі ұсынылды.

21 қарашада сағат 10:00-ден 17:00-ге дейін Тәуелсіздік сарайының қорындағы «Нұр-Сұлтан қаласына сыйлықтар» көрмесіне баруға болады. Онда елордаға келген ресми делегациялардың сыйлықтары көрсетіледі.

Қалалық қуыршақ театрында 21 қараша күні сағат 12:00-де және 14:00-де жас көрермендерге арналған «Аладдиннің сиқырлы шамы» ертегісі, 22:00-де Instagram-да «Кешкі ертегі» көрсетілетін болады.

«Атамекен» этно-мемориалдық кешені 21 қараша күні сағат 12:00-де «Абылай ханның резиденциясы» онлайн-экскурсиясын өткізеді. Іс-шара Instagram-дағы @atamekenmap парақшасында және facebook-тегі @atamekenmap.kz парақшасында көрсетіледі.

22 қараша күні сағат 15:00-де «Наз» би театрының дәстүрлі әншісі Зағипа Иманғазының жыр-дастандардың шығу тарихынан дәрісі өтеді. Іс-шара онлайн форматта Facebook-те өтеді: facebook.com/naz.biteatryInstagram, YouTube: Наз би театры.

Хабар 24 телеарнасы