427,15 523.00 5.95
+7 (7172) 757 485 24kz@khabar.kz
ҚАЗ

Магнитогорскіде үй қирандыларының астынан 21 адамның денесі табылды

  • 1108
  • UPD: 18:25, 02.01.2019
Магнитогорскіде үй қирандыларының астынан 21 адамның денесі табылды

Соңғы келіп түскен ақпарға сәйкес, Магнитогорскіде үй қирандыларының астынан 21 адамның денесі табылды, деп хабарлайды «Хабар 24».

Қаза тапқан 14 адамның аты-жөні анықталған.

Естеріңізге салсақ, 31 желтоқсан күні тұрмыстық газ жарылып, салдарынан 9 қабатты үйдің тұтас бір кіреберісі опырылып түсті. Қаңтардың екісі күнгі мәлімет бойынша 20 адамның тағдыры әлі белгісіз. Кеше мамандардың 11 айлық нәрестені үйінділердің астынан аман-есен алып шыққанын хабарлаған болатынбыз.

Түрлі жарақат алғанына қарамастан, ұл баланың жағдайын дәрігерлер «қалыпты» деп бағалауда. 11 айлық Ваняны құтқаруға оның әкесі Евгений Фокин де қатысқан. Бұған дейін құтқарушылар оның әйелі мен қызын үйінділер астынан алып шыққан болатын. Мамандар жарылыс болған үйдегі үш подъездегі пәтерлерде қалу қауіпті деп бағалады. Жарылыстан қаза болғандар мен зардап шеккендерге өтемақы қаңтардың 4-інен бастап төленетін болады.

Хабар 24 телеарнасы